Nis puna në ndryshimin e Qendrës së turizmit në Valbonë

Me financim të Qeverisë shqiptare dhe Bankës së Këshillit të Evropës, Fondi Shqiptar i Zhvillimit ka nisur punën në projektin për rikonstruktimin e Qendrës së turizmit në Valbonë.
Qendra e turizmit në Valbonë pritet të bëhet si një qendër multifuksionale që ofron akomodim, informacion për vizitorët, hapësira për zyra, për nisma të reja turistike etj.
Ndërhyrjet do të bëhen në restaurim arkitektonik dhe funksional të dy objekteve ekzistuese për t’u përshtatur me funksionet e reja të qendrës, përcjell albinfo.ch.

Po ashtu parashikohet ndërtim i 4 bungaolëve për nevojat e qendrës në kohën e pikut turistik.
Një tjetër ndërhyrje do të jetë ndërtimi i një dyqani dhuratash, për të promovuar artin dhe prodhimet e zonës.
Turizmi është perspektiva më premtuese e zhvillimit për Valbonën dhe Tropojën. Mbi 120 mijë turistë vendas dhe të huaj vizitojnë Valbonën çdo vit.