Gostivarasit festojnë golin e Mehmedit

Goli që ka shënuar Admir Mehmedi në ndeshjen e mbrëmshme kundër Ekuadorit nuk ka gëzuar vetëm zviceranët

Shqiptarët kudo që e kane ndjekur ndeshjen i janë gëzuar golit të parë që një shqiptar e ka shënuar në një kampionat. Dhe, më të gëzuarit dhe krenarët për këtë gol kanë qenë sigurisht bashkëqytetarët e Admirit, gostivarasit.

Me flamuj shqiptarë e zviceranë dhe me shqiponjën dy krenare kanë festuar të rinjtë e qytetit të Gostivarit golin e bashkëqytetarit të tyre, Admir Mehmedi, i cili në përballjen kundër Ekuadorit shënoi golin e barazimit në 1-1, ndërsa në fund Zvicra fitoi me rezultat 2-1, shkruan lajmpress.com Me këtë gol Mehmedi hyri në histori si golashënuesi i parë shqiptar që shënon gol në një kampionat botëror të futbollit.

“Ka qenë një eufori e madhe në qytetin e Gostivarit, kur Admiri shënoi gol për Zvicrën. Të gjitha kafiteritë kanë qenë përplotë me të rinj, duke ndjekur ndeshjen dhe ai na ka bërë krenar të gjithë shqiptarëve dhe jo vetëm Gostivarin. Lum ne që kemi një ambasador  të tillë si ai.

Shpresojmë të na gëzoj edhe me gola të tjerë dhe Zvicra të shkojë sa më larg në këtë botëror. Ne e falënderojmë shumë për këtë gëzim që na solli Admiri”, ka deklaruar për “Lajm”, Mensur Jakupi, trajner i njohur nga Gostivari. Goli i Mehmedit ka gëzuar edhe shumë shqiptarë anembanë botës.