Të rinjtë ofrojnë mikpritje për turistët në çdo pjesë të Shqipërisë

Foto: Blendi Klosi (Fb)

“Smile Albania” ditë më parë ka filluar sezonin e dytë për të mirëpritur turistë nga e gjithë bota që vijnë në Shqipëri, përcjell albinfo.ch.

Të rinjtë e këtij grupi tashmë janë shpërndarë në 35 pika informuese, siç bën të ditur ministri i Turizmit dhe Mjedisit në Shqipëri, Blendi Klosi.

“Smile Albania, në 35 infopoint-e nga veriu në jug të Shqipërisë; në çdo pikë kufitare, porte e aeroport, qendra qytetesh, plazhe e site kulturore e historike! Të rinjtë e të rejat, çdo ditë ofrojnë mikpritje, buzëqeshje, informacion për turistët që vizitojnë vendin tonë”, ka shkruar Klosi.

Projekti “Smile Albania”, pos mikpritjes së turistëve, synon edhe punësimin e të rinjve shqiptarë gjatë sezonës së verës.