Lajme

Muhaxheri në listën e të kërkuarve nga INTERPOL-i

Lavdërim Muhaxheri është kosovari i radhës që do të jetë i postuar në rrjetin kërkues të INTERPOL-it, si person me rrezikshmëri të lartë.

E premte, 15 Gusht 2014 - 14:08 albinfo.ch

Organizata Ndërkombëtare e Policisë Kriminale, (Interpol) ka pranuar kërkesën e Gjykatës Themelore të Ferizajt, e cila e kërkon Muhaxherin për veprime të terrorizmit dhe organizim të grupeve për të shkuar në Siri e Irak.

 Sahit Krasniqi, gjykatësi që  ka lëshuar vendimin e fletëtarrestit ndërkombëtar për Muhaxehrin ka konfirmuar se nga Sektori për Bashkëpunim Ndërkombëtar i Ministrisë së Drejtësisë është njoftuar se kërkesa për urdhërarrest ndërkombëtar është aprovuar. Në këtë mënyrë prej tani Muhaxheri do të jetë njëri nga të kërkuarit e INTEPOL-it.
 
“ E kam lëshuar vendimin për fletëarrest ndërkombëtar pasi janë kryer dy procedurat tjera fletarrest lokal dhe fletarrest qendror. Kam marrë konfirmimin se kërkesa është pranuar dhe presoni (Lavdërim Muhaxheri) tani e tutje do të jetë i postuar në faqen e Interpol-it”, i ka thënë Krasniqi, Radio Kosovës.
 
Përderisa për Muhaxherin është lëshuar fletëarrest ndërkombëtar,  sipas Gjykatës ekziston edhe një grup tjetër personash  ndaj të cilit janë aplikuar masat e fshehta (përgjimet), pikërisht nën dyshimet për terrorizëm.
 

 Të tjera nga Lajme

Kurti viziton Kombëtaren para finales së play-off-it për Botërorin 2026

 E-Diaspora

 Jeta në Zvicër