Prej 18 deri më 30 gusht takohen albanologët në “Festivalin e Albanologjisë”

Më se 120 albanologë, nga të gjitha anët e botës, prej datës 18 deri më 30 gusht, do takohen në Prishtinë në “Festivalin e albanologjisë”. Drejtori i këtij Seminari, Bardh Rugova, ka njoftuar se ky edicion, ndërkaq, do të shënoj, gjithashtu, edhe 200-vjetorin e lindjes së pionierit të Romantizmit dhe të Rilindjes Shqiptare, Jeronim De […]

Më se 120 albanologë, nga të gjitha anët e botës, prej datës 18 deri më 30 gusht, do takohen në Prishtinë në “Festivalin e albanologjisë”. Drejtori i këtij Seminari, Bardh Rugova, ka njoftuar se ky edicion, ndërkaq, do të shënoj, gjithashtu, edhe 200-vjetorin e lindjes së pionierit të Romantizmit dhe të Rilindjes Shqiptare, Jeronim De Radës. Për temën e De Radës një ligjëratë do ta mbajë gjuhëtari më i madh arbëresh, Francesko Altimari. Po ashtu, do të zhvillohet edhe sesioni me temën “Shqiptarët në komunizëm”, ku do të paraqiten kumtesa të ndryshme mbi jetën e shqiptareve ne periudhën e komunizmit.

Edicioni i sivjetmë (i 33-ti me radhë), i Seminarit Ndërkombëtar për Gjuhën, Letërsinë dhe Kulturën Shqiptare,  ka paraparë  mbajtjen e kurseve intensive të mësimit të shqipes për të huajt; Ligjërata të veçanta të gjuhësisë; Ligjërata për letërsinë shqiptare; Referime shkencore; Ligjërata të përgjithshme;  një tryezë e rrumbullakët  dhe dy sesione shkencore; Programe kulturore plotësuese për t’i njohur seminaristët me bukuritë natyrore, me veprimtaritë kulturore e të mira të tjera në qendra të Kosovës etj.

Në dy sesionet kryesore shkencore këtë vit do të trajtohen temat: “Gjuha shqipe dhe ideologjia”, si dhe “Letërsia shqipe dhe kodet e mëdha”.

 “Seminari Ndërkombëtar për Gjuhën, Letërsinë dhe Kulturën Shqiptare, i cili këtë vit shënën edhe 40-vjetorin e fillimit të punës, do të ruaj organizimin tradicional të tij, duke mos dalë jashtë praktikës së organizimeve të mëparshme”, ka thënë Bardh Rugova, drejtor i këtj Seminari.

Seminari Ndërkombëtar për Gjuhën, Letërsinë dhe Kulturën Shqiptare organizohet për studentë e studiues që merren me probleme të gjuhës, të letërsisë e të kulturës shqiptare, po edhe me albanologjinë përgjithësisht.

Që nga viti 1974 Seminari ka zhvilluar gjithsej tridhjetë e dy sesione. Në vitin 1991 është ndërprerë veprimtaria e tij nga organet e dhunshme serbe. Në vitet 1995 e 1996 sesionet e këtij Seminari u mbajtën në Tiranë në bashkëpunim me Institutin e Gjuhësisë e të Letërsisë të Akademisë së Shkencave të Shqipërisë. Nga viti 2000 Seminari zhvillohet sërish në Prishtinë. Sesionet 19 dhe 20 (2000-2001) janë organizuar në bashkëpunim me Institutin e Gjuhësisë dhe të Letërsisë të Akademisë së Shkencave të Shqipërisë.

Shkrimtari dhe publicisti, Rushit Ramabaja, i cili punën e edicioni të parë të Seminarit Ndërkombëtar për Gjuhën, Letërsinë dhe Kulturën Shqiptare e kishte nisur ta përcjellë në vitin 1974, atëbotë si gazetar i gazetës “Rilindja”, thotë se gjatë këtyre 40- vjetëve Seminari e ka pasur rolin vendimtar dhe ka ndikiuar në zhvillimin e të gjitha fushave të albanologjisë, duek pasqyruar zhvillimet shkencore, gjuhësore, letrare e kulturore në hapësirat shqiptare. Sipas tij, kjo ngjarje e madhe e shkencës dhe kulurës shqiptare, në fakt, e ka emancipuar edhe qenien kombëtare shqipre.