Mali Matterhorn i Zvicrës nuk do të ndalohet për vizitorë

Autoritetet lokale në vendpushimin zviceran të Zermatt kanë hedhur poshtë thirrjet për mbylljen e Matterhorn pasi një udhëzues malor tha se maja ishte shumë e rrezikshme.

“Vetëm komuna e Zermatt mund të vendosë nëse do të ndodhë mbyllja [e Matterhorn]”, tha presidenti i komunës Romy Biner-Hauser, në komentet e bëra për të përditshmen rajonale zvicerane “Walliser Bote”.

“Ne nuk i kuptojmë lidhjet e mediave me deklaratat e një numri të individëve”, shtoi ajo.

Ajo ka potencuar se mbyllja e malit për vizitorë do t’i jepte fund parimit të përgjegjësisë personale.

Matterhorn u mbyll gjatë verës jashtëzakonisht të nxehtë të vitit 2003, pas një rrëshqitje të madhe shkëmbi, por kjo nuk ishte një masë paraprake.

---