Ushtarët e Kosovës do të dislokohen në Irak e Afganistan

Ilustrim

Komandanti i FSK-së, gjenrallejtënant Rrahman Rama, ka bërë të ditur se më 2021 Ushtria e Kosovës për herë të parë do të jetë në mision ushtarak bashkë me ushtrinë amerikane.

Ai ka theksuar se një kompani e Ushtrisë së Kosovës do të jetë në mision qoftë në Irak apo Afganistan, dhe kjo do të jetë një arritur e madhe e Ushtrisë së Kosovës.

“E them me bindje të plotë që ushtarët e Kosovës, bashkë me Gardën Nacionale të Ajovës, do të jenë në këto vende për misione ushtarake”, ka deklaruar Rama në RTK.

Sa u përket ankesave që ka pasur parregullsi në konkursin për kadetë të ushtrisë, ai ka thënë se gjithçka ka qenë në monitoruar me kamera dhe secili që është ankuar e ka parë testin dhe gjithçka që ka ndodhur në atë periudhë. Komandanti i FSK-së ka theksuar se dekretimi i strukturës ushtarake nga presidenti është faza e parë e ndryshimeve strukturore që parashihen me ligj.

“Bashkëpunimi me NATO-n dhe partnerët strategjikë vetëm është rritur. Kemi aq shumë përkrahje dhe aq shumë oferta, sa nganjëherë nuk kemi kënd ta dërgojmë. Jemi në proces të disa kontratave dhe është sigurt që do të kemi armatim të sofistikuar, siç e kanë vendet e NATO-s”, ka thënë ai, përcjell Albinfo.ch.