Pensilvani, vdesin pesë fëmijë nga zjarri

Viktimat janë të moshës tetëmuajshe deri në shtatë vjet.

Pesë fëmijë mbetën të vdekur dhe disa të tjerë të plagosur, kur të dielën e kaploi zjarri një qendër të kujdesit ditor në Erie të Penslavisë.

Zyrtarët thanë se flakët dyshohet se kishin filluar të përhapen në dhomën e qëndrimit në katin e parë të objektit, përcjell albinfo.ch.

Dyshimet e para lidhen me një inspektim të bërë në fillim të vitit, sipas të cilit prizat ishin të arritshme edhe për fëmijët pesëvjeçarë. Gjithashtu janë parë edhe mbetje të cigareve, të cilat ishin të ndaluara në hapësirën e kujdesit për fëmijë.

Megjithatë, inspektorët ende janë duke vazhduar hetimet për këtë ngjarje, në të cilën i lënduar mbeti edhe pronari i kopshtit, bashkë me fqinjin e tij, të cilët kishin tentuar t’i shpëtonin fëmijët.

---