Dy fluturime në Aeroportin e Prishtinës, me vonesa

Këto vonesa kanë ardhur si situatë e krijuar pas grevës së Sindikatës së Pavarur të Punëtorëve

Aeroporti Ndërkombëtar i Prishtinës ka paralajmëruar se fluturimet e mëngjesit, nga ora 8:00 dhe 10:00 mund të kenë vonesa.

Kjo situatë është krijuar pas grevës të Sindikatës së Pavarur të Punëtorëve, përcjell albinfo.ch.

“Dëshirojmë të informojmë publikun se fluturimet e parapara nga ora 08:00-10:00 mund të kenë vonesa. Kjo është pasojë e kërceënimeve të vazhdueshme nga punonjësit që janë pjesë e grevës ndaj punonësve që janë të gatshëm të punojnë.

Andaj u kërkojmë ndjesë të gjithë udhëtarëve për vonesë, meqenëse ne kemi marrë të gjitha masat paraprake për GREVE, mirëpo duke u bazuar në takimin e djeshëm me udhëheqjen e Sindikatës së ANP-së, ne nuk kemi marrë në konsideratë se do të ketë veprime jashtë teë gjitha kornizave ligjore të grevave për të penguar procesin e punës.

Menaxhmenti i ANP-së do të shqyrtojë të gjitha rastet veç e veç dhe do të marrë masa ligjore ndaj personave përgjegjes”, thuhet në njoftim.

---