Si u ngatërrua himni kombëtar dhe kush gaboi

Ngatërrimi i himnit kombëtar ka bërë bujë edhe në mediat ndërkombëtare

Shqipëria humbi 4:1 nga Franca, derisa gjithçka nisi keq para ndeshjes, pasi në stadiumin “Stade de France” u ngatërrua himni kombëtar shqiptar.

Në vend të himnit kombëtar, është lëshuar ai i Andorrës, derisa futbollistët kuqezi nuk kanë pranuar të nisin ndeshjen, shkruan albinfo.ch.

Ndërkohë, gabimi i radhës ka qenë sërish nga fonia e stadiumit. Pasi është sqaruar gjithçka, fonistët kanë thënë: “Dhe, himni i Armenisë është gati të fillojë”, duke ngatërruar në këtë mënyrë kombëtaren kuqezi me atë armene, skuadër kjo e cila as nuk bën pjesë fare në grupin e Shqipërisë. Tifozët kanë fishkëllyer, derisa ndeshja nisi me disa minuta vonesë.

Kjo ka bërë bujë edhe në mediat ndërkombëtare, pasi është e rrallë të bëhen gabime të tilla, sidomos në Francë.

Gafa me himnin on Vidnews.

---