Bëhen bashkë për festat e nëntorit

Qendra Kulturore e Kosovës për Diasporë dhe Mërgatë në Zvicër do të organizojë një manifestim kulturor më 28 nëntor

Me rastin e festave të nëntorit dhe ditëlindjes së heroit të kombit Adem Jashari, Qendra Kulturore e Kosovës për Diasporë dhe Mërgatë në Zvicër, në kuadër të “Ditëve të diasporës 2014”, do ta organizojë një manifestim kulturor. Në kuadër të këtij manifestimi do të mbahet festivali i leximit letrar dhe do të hapet ekspozita kolektive e Shoqatës së Artistëve Figurativë.

Në këtë manifestim, që organizohet në bashkëpunim me Shoqatën e Krijuesve Shqiptarë në Zvicër dhe Shoqatën e Artistëve Figurativë në Zvicër, do të marrin pjesë edhe autorë shqiptarë nga Suedia, Gjermania, Austria, Finlanda e vende të tjera që janë pjesë e Lidhjes së Krijuesve Shqiptarë të Mërgatës.

Data: 28 nëntor, në orën 19:00.