Zvicra voton për tri iniciativa nacionale

Sot, në referendumet që mbahen në nivel nacional do të votohen: Iniciativa "Ecopop" (kundër mbipopullimit me të huaj), ajo kundër taksimit paushall të të huajve dhe iniciativa "Ta shpëtojmë arin zviceran"

Në gjithë Zvicrën sot është ditë e votimeve të iniciativave të ndryshme në nivel nacional dhe në atë lokal. Në rrafshin nacioanal votohen: Iniciativa “Ecopop” (kundër mbipopullimit me të huaj), ajo kundër taksimit paushall të të huajve dhe iniciativa “Ta shpëtojmë arin zviceran”

Në njërin prej referendumeve për të cilët votohet në nivel vendi  të dielen do të vendoset çështja e kufizimit të numrit të të huajve, gjegjësisht për iniciativën e njohur me emrin „Ecopop“. Të gjitha partite e përfaqësuara në parlament dhe po ashtu edhe qeveria e vendit kanë rekomanduar të votohet kundër.

Edhe iniciativa tjetër “Ta shpëtojmë arin zviceran” ishte  pritur me skepticizëm nga ana qeverisë dhe biznesit dhe sipas sondazheve të kryera ka më shumë gjasa të hidhet poshtë.

Iniciativa e tretë në nivel nacional, ajo për taksimin paushall të të pasurve të huaj synon t`u heq favorizimet pasanikëve me shtetësi të huaj të cilët paguajnë teatime simbolike në krahasim me pasurinë që zotërojnë.

Të tri iniciativat, sipas asaj që tregojnë sondazhet e fundit pritet të hidhen poshtë nga votuesit.