Gratë paguhen 16 për qind më pak se burrat

Në një studim që ka bërë, ILO ka përfshirë 38 vende të botës, dhe në të gjitha këto vende ka gjetur diferenca pagash në mes të meshkujve dhe femrave

Në shumë vende, gratë, për punën dhe kualifikimin e njëjtë ose edhe më të lartë, paguhen më pak se burrat. Këtë konstatim e ka bërë ILO (Organizata Ndërkombëtare e Punës).

Në një studim që ka bërë, ILO ka përfshirë 38 vende të botës, dhe në të gjitha këto vende ka gjetur diferencë sa u përket pagave në mes të meshkujve dhe femrave. Po të shikoheshin kualifikimet dhe rezultatet në të vërtetë në 26 vende të Evropës, gratë duhej të fitonin 0.9 për qind më tepër se meshkujt. Por në fakt, sipas raportit, ato fitojnë mesatarisht 19% më pak.

Sa i përket diferencës në pagesa në mes të meshkujve dhe femrave, veçanërisht keq qëndrojnë SHBA dhe Rusia.