Kundërshtohet vendimi për vrasjen e katër ujqve në Zvicër

Urdhri i gjuetisë është i vlefshëm menjëherë

Një grup për mbrojtjen e ujqve e ka kundërshtuar vendimin që të vriten katër ujq të rinj në kantonin Graubünden, pas sulmeve ndaj kafshëve në këtë rajon.

Urdhri i gjuetisë është i vlefshëm menjëherë dhe vazhdon deri më 31 mars 2020, dhe është aprovuar nga Zyra Federale e Mjedisit.

“Prindi i ujqve kishte sulmuar 59 dele vitin e kaluar, ndërkaq deri më tani ka sulmuar 40 dele”, tha kreu i Departamentit të Gjuetisë dhe Peshkimit, Adrian Arquint.

Aktualisht ka 30 ujq në kantonin Graubünden, 17 të lindur vetëm këtë vit.

Sipas Zyrës federale, rregulloret nuk ishin përdorur si duhet për të mbrojtur kafshët në zonat e prekura nga ujku, shkruan Swissinfo.

Në shtator Parlamenti e bëri më të lehtë gjuetinë e ujqve dhe arinjve duke i dhënë kantoneve më shumë liri për të vendosur kur një kafshë duhet të vritet pas konsultimit me Zyrën Federale për Mjedisin, përcjell Albinfo.ch.

---