Integrimi
Kosovarja e humb vizën pasi që nuk është rrahur “sa duhet”!
Pasi që gjykata ka konstatuar se dhuna ndaj sa është dëshmuar vetëm në një rast, kosovarja e shkurorëzuar i humb "letrat" dhe duhet të kthehet në Kosovë
Martesa me bashkatdhetarin e saj me qëndrim të rregullt në Zvicër i ishte shndërruar në ferr, pasi që bashkëshorti kishte ushtruar dhunë fizike dhe psikike ndaj saj. Ende pa i mbushur mirë pesë muaj, kjo lidhje dështoi për kosovaren 22 vjeçe, dhe me këtë, dështoi edhe leja e qëndrimit e fituar në bazë të martesës.
Në shtator të vitit 2013 gruas së re, tashmë të shkurorëzuar i ishte ardhur nga enti për migracion i kantonit Glarus refuzimi për vazhdimin e qëndrimit në Zvicër.
Edhe ankesa e bërë në Gjykatën Administrative merr përgjigje negative. Sipas ligjit, kur njëri bashkëshort e merr lejen e qëndrimit në bazë të martesës, kjo lidhje duhet të qëndrojë në këmbë së paku 3 vjet për ta fituar të drejtën e mbajtjes së mëtejshme të lejes (vizës B). Por në rastet kur lidhja prishet pa u bërë tri vjet nga kurorëzimi, leja e fituar e qëndrimit mund të mbahet vetëm në rastet që gjykata i cilëson si “raste të rënda”.
Pikërisht nën pretekstin se rasti i saj ishte i rëndë, për shkak të dhunës së pësuar nga ish bashkëshorti, kosovarja e kishte bërë ankesën. Por, trupi gjykues i Gjykatës Administrative të Kantonit të Glarusit ka konstatuar se vetëm në një rast ka mundur të dëshmohet ushtrimi i dhunës.
Kështu, pasi që 22 vjeçja nuk ka mundur të bindë gjyqin me pretendimet e saj se ka qenë viktimë e dhunës së vazhdueshme, ajo duhet të lëshojë Zvicrën.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë franga, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës