Futboll
Eralb Foniqi, djaloshi që ëndërron të luajë për Kosovën
Foniqi thotë se futbolli është jeta e tij dhe është i lumtur që luan
Shumë talente shqiptarë po shkëlqejnë nëpër klube të ndryshme evropiane.
Njëra nga ta është edhe Eralb Foniqi, i cili po aktivizohet momentalisht tek ekipi i dytë i skuadrës së njohur zvicerane Wil. Gjilanasi shihet si njëri nga lojtarët më të talentuar të ekipit zviceran dhe pritet së shpejti të luajë ndeshje me ekipin e parë.
Në një intervistë për Telegrafin, Foniqi ka thënë se momentalisht është shumë mirë në klubin aktual.
“Për momentin jam shumë mirë, por çdoherë ekziston mënyra për më mirë dhe shpresoj që të vijnë ditë edhe më të mira”, tha Foniqi.
Foniqi thotë se futbolli është jeta e tij dhe është i lumtur që luan.
“Nuk e luaj futbollin se e kam për detyrë, por e luaj me vullnetin dhe guximin më të madh. Për mua futbolli nuk është vetëm një lojë, por thjesht futbolli është jeta ime”, vazhdoi tutje Foniqi.
20-vjeçari synon që një ditë të luajë në ndonjërën nga ekipet më të famshme evropiane.
“Planet e mia për të ardhmen janë që ëndrra ime të bëhet realitet, kjo do të thotë që të arrijë të luaj në ndonjë ekip të famshme evropiane”, tha Foniqi për Telegrafin.
Sulmuesi me prejardhje nga Dobërçani tregon se stërvitet vazhdimisht me skuadrën e parë të Wilit, ndërsa shpreson që këtë edicion të debutoj me ekipin e parë.
“Deri më tani nuk kam pasur lojë me ekipin e parë të Wilit, për momentin jamë vetëm duke ushtruar me skuadrën e parë. Jam duke e dhënë maksimumin në stërvitje, me qëllim që të arrijë të luaj në ekipin e parë”, tha Foniqi.
Ylli i ri kosovar thotë se do të ishte nder për të të luante me Kosovën dhe se kjo është një ëndërr e tij.
“Çdo person pavarësisht ku jeton asnjëherë nuk duhet ta harrojë vendlindjen e tij. Do të isha i nderuar nëse një ditë do të arrija të luaja për Kosovën, pasi kjo është ëndërr për mua”, ka përfunduar Foniqi, përcjell Albinfo.ch.
Të ngjashme
Të tjera nga Futboll
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
A është e ligjshme djegia e flamurit të Zvicrës? Kjo mund të duket si një pyetje e çuditshme, përveç se është votuar në Këshillin Kombëtar...
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter
-
Air India kthehet në Cyrih pas më shumë se 25 vjetësh