Mediumi gjerman: Kosova e suksesshme, shumë afër Kampionatit Evropian

Ilustrim

Kosova është shumë e suksesshme në futboll, ka raportuar transmetuesi publik i Gjermanisë, ARD në emisionin sportiv “Sportschau”.

Në qendër të vëmendjes së emisionit ishte Milot Rashica, futbollist që luanë në Gjermani të Werder Bremen, ku edhe atje po shkëlqen me lojën e tij.

“Ai dhe shokët e tij, kanë një ëndërr: të marrin pjesë me Kombëtaren e Kosovës në Kampionatin Evropian në vitin 2020. Shanset nuk janë të këqija dhe ndeshja në shtëpi ndaj Malit të Zi të hënën (ora 20:45) është vendimtare”, raporton ARD.

Trajneri i Milot Rashicës, Florian Kohfeldt, ka thënë se sulmuesi 23-vjeçar shqiptar dhe Kosova mund të bëhet hero i Kosvës.

“Milot ka ndeshjen më të rëndësishme të jetës së tij përpara vetes, ka të bëjë me ekipin kombëtar, ku mund të bëhen heronj në atdheun e tyre”, tha ai

Milot Rashica në këtë vit kalendarik ka shënuar 15 gola gjithsej, përcjell albinfo.ch.