Sipas bastoreve, Kosova favorite në ndeshjen kundër Malit të Zi

ilustrim

Ekipi i ‘Dardanëve’ sot do të luajë me Malin e Zi në stadiumin ‘Fadil Vokrri’ nga ora 20:45, në kuadër të kualifikimeve për Kampionatin Evropian.

Deri tani Kosova renditet e treta në grupin A me 8 pikë, katër më pak se Çekia në vendin e dytë dhe me një ndeshje më shumë.

Trajneri i Kosovës, Bernard Challandes, ka në dispozicion të gjithë lojtarët e ftuar, sipas tij, optimizmi është i madh, prandaj “të gjithë besojmë se PO… mund t’ia dalim! Forca”, ka thënë ai.

Nga ana tjetër, Kosova po konsiderohet favorite kryesore në këtë ndeshje sipas bastoreve botërore.

Sipas statistikave bastoria Bet-at-home e sheh Kosovën si favorite të madhe pasi i ka vënë kuotën 1.61 për të fituar, derisa fitores së mundshme të Malit të Zi i vë kuotë shumë të lartë, 5.75, përcjell albinfo.ch.