Futboll
Federata Çeke e Futbollit: Ndeshja kundër Kosovës, me rrezik të lartë
Federata e Futbollit të Çekisë ka pezulluar shitjet në internet të biletave për ndeshjen kundër Kosovës më 14 nëntor në Plzen, e cila do të vendosë direkt se cila prej tyre do të kualifikohet në Kampionatin Evropian.
Sipas Federatës së Futbollit të Çekisë, kjo është ndeshje me rrezik të lartë dhe u bën thirrje tifozëve të përmbahen nga çdo provokim politik dhe gjeste kundër Kosovës, përcjell albinfo.ch.
Përveç rëndësisë konkurruese të lojës, tensionet rriten edhe nga ngjarje që kanë pak lidhje me sport. Në prag të ndeshjes së parë të këtyre dy ekipeve, në shtator në Prishtinë policia lokale arrestoi tifozët çekë që kishin një dron me pankartën “Kosova është Serbi”, dhe disa tifozë u rrahën.
Gjithashtu, presidenti çek, Milos Zeman, kohët e fundit i bëri thirrje Qeverisë që të tërhiqte njohjen e Kosovës. Njoftimi, i cili u bë në faqen zyrtare të Federatës të Futbollit të Çekisë, thotë se shitja e biletave do të fillonte më 23 tetor në Plzen. Biletat mund të blihen vetëm me një kartë identiteti dhe një person mund të blejë deri në katër bileta.
“Ndeshja e nëntorit me Kosovën u vlerësua si me rrezikshmëri të lartë dhe siguria është prioritet yni. Përveç kësaj, ekziston një lidhje me ngjarjet që ndodhën në Bullgari gjatë ndeshjes kundër Anglisë. UEFA e ka bërë të qartë se gjestet raciste apo politike nuk kanë vend në futboll dhe se nuk do ta tolerojë atë“, tha presidenti i Federatës së Futbollit të Çekisë, Martin Malik.
Ai u bëri thirrje tifozëve çekë të përmbahen nga çdo provokim dhe gjeste që mund t’i kushtojnë pikë ekipit, dhe në fund të fundit, renditjen në Euro 2020.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?