Lajme
Sa paguhet ora në Zvicër sipas produktivitetit
Në top-10 janë edhe SHBA, Franca, Holanda dhe Gjermania
Në renditjen e dhjetë vendeve më produktive në botë sipas pagesës, bënë pjesë edhe Zvicra, që ndodhet në vendin e dhjetë.
Gjithnjë sipas kësaj renditje, një orë paguhet 58 dollarë. Në vendin e parë ndodhet Irlanda me 83.1 dollarë në orë, duke u pasur nga Luksemburgu, Norvegjia, Belgjika, Danimarka.
Në top-10 janë edhe SHBA, Franca, Holanda dhe Gjermania.
Reformimi i tregut të punës është një nga prioritetet e qeverive të Ballkanit Perëndimor, por sipas të dhënave, këto vende janë duke mbetur prapa mesatares së vendeve të Bashkimit Evropian.
Në Kroaci treguesit e produktivitetit të punës (raporti i Produktit të Përgjithshëm Bruto dhe orëve të shpenzuara) janë më të mira, por ato janë pa tendencë të rritjes.
Në listën e 189 vendeve, publikuar nga Organizata Ndërkombëtare e Punës (ILO), përcjell Telegrafi, Kroacia është renditur më mirë nga vendet e Ballkanit Perëndimor, i cili gjendet në pozitën e 56-të.
Në këtë pozitë, punëtori vitin e kaluar mesatarisht është paguar 54,598 dollarë në vit, që i bie të jetë 27 dollarë për orë, përcjell albinfo.ch.
Punëtorët në Mal të Zi u paguan mesatarisht 22 dollarë për orë, në Maqedoni 20 dollarë për orë, Bosnje dhe Hercegovinë me 18 dollarë për orë, Serbi me 13 dollarë për orë dhe Shqipëri me 12 dollarë për orë. Në këtë raport, nuk figuron Kosova.
Statistikat tregojnë se punëtorët në Shqipëri punojnë 42.9 orë në javë, që është 2,231 orë në vit. Përkundër një numri të lartë të orëve, punëtorët shqiptarë fitojnë më së paku në Evropë dhe janë në vendin e 99-të në listën botërore.
Kjo është lista e dhjetë vendeve më produktive në botë:
- Irlanda, 83.1 dollarë për orë
- Luksemburgu, 81.2 dollarë për orë
- Norvegjia, 79.2 dollarë për orë
- Belgjika, 64.6 dollarë për orë
- Danimarka, 63.5 dollarë për orë
- SHBA, 63.3 dollarë për orë
- Holanda, 61.7 dollarë për orë
- Franca, 60 dollarë për orë
- Gjermania, 59.9 dollarë për orë
- Zvicra, 58 dollarë për orë
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
AAK – dega në Zvicër zgjedh strukturat drejtuese Kryetari i Aleancës për Ardhmërinë e Kosovës, Ramush Haradinaj, ka njoftuar se dega në Zvicër e...
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023
-
Zvicër: Gjobiten rëndë dy shoferë, pasi postuan videot në rrjetet sociale