Shënojnë yjet e Kosovës

Nuk ia dolën dot t’i ndihmojnë klubit të tyre ta shmangë humbjen

Florent Muslija dhe Valdrin Mustafa shënuan, por nuk ia dolën dot t’i ndihmojë Hannover II ta shmangë humbjen 3:2 kundër TSV Havelse të dielën në Hanover.
Havelse e mundi dhe e thëlloi edhe më shumë në krizë Hannover II falë golave nga Jaeschke dy herë dhe Plume, raporton Gazeta Express.

Hannoveri po humbiste 3:0 para se Muslija i Kombëtares A të Kosovës të shënonte tre minuta para fundit.

Muslija luan vazhdimisht për ekipin e Hannoverit në Bundesliga 2 – nivelin e dytë të futbollit gjerman, por këtë javë u dërgua në skuadrën e dytë të Hannoverit.

Mustafa, i cili luan për ekipin kombëtar U21 të Kosovës, realizoi në minutën e 92-të, por tashmë ishte tepër vonë për vendasit t’i shpëtonin humbjes së 10 në 16 ndeshjet deri tani në Regionalliga North – nivelin e katërt të futbollit gjerman.

Hannover II nuk di për fitore në pesë ndeshjet e fundit, katër prej të cilave i ka humbur radhazi. Klubi i dyshes kosovare rrezikon rënien në një nivel më poshtë, siç e ka nisur kampionatin e ri, pasi grumbullon vetëm 14 pikë në pozitën e 15-të, përcjell Albinfo.ch.

---