Lajme
A duhet të tregohet kombësia e të dyshuarve për krime
Legjislatura e Gjenevës e hodhi poshtë një mocion që i kërkonte policisë të ndalojë zbulimin e kombësisë së të dyshuarve për krime
Mocioni, i cili u soll para organit legjislativ të kantonit, nga deputetja e Partisë së Gjelbër, Paloma Tschudi, u kundërshtua javën e kaluar me 43 vota kundër 42, përcjell albinfo.ch.
Tschudi argumentoi se zakoni i policisë për shpërndarjen publikisht të origjinës kombëtare të autorëve të akuzuar, ushqen urrejtje dhe ksenofobi.
“Kombësia nuk është një faktor përcaktues në veprimet kriminale”, i tha ajo televizionit zviceran javën e kaluar. Sidoqoftë, Marc Fuhrmann, president i seksionit në Gjenevë të Partisë Zvicerane të Popullit (SVP), tha se ndalimi i zbulimit të origjinës do të ishte “një pengesë e lirisë së shtypit të denjë për epokën Sovjetike”.
Këshilltari Shtetëror Mauro Poggia, nga Partia e Kristian Demokratëve të Popullit, u pajtua që duke zbatuar ndalimin, “ne do të bëheshim censurues”.
Debati mbi zbulimin ose jo të kombësisë së të dyshuarve nuk është specifik për Gjenevën dhe praktika ndryshon nga një kanton në tjetrin, përcjell tutje albinfo.ch.
Policia Vaud “zbulon në mënyrë sistematike moshën, origjinën dhe vendbanimin e autorëve dhe viktimave të pretenduara, qofshin ato zvicerane apo të huaj,” tha një zëdhënës i policisë Vaud për “Le Temps”.
Në Neuchâtel, policia tregon kombësinë e autorëve dhe viktimave “vetëm nëse ekziston një interes mbizotërues për të kuptuar kontekstin ose rastin”.
Në Solothurn, qytetarët pranuan në vitin 2012 një iniciativë të SVP që kërkon që policia dhe drejtësia të japin kombësinë e shkelësve. I njëjti ligj zbatohet në S. Gallen që nga viti 2010.
Në Cyrih, megjithatë, vendimi për të ndaluar këtë praktikë u mor në vitin 2017.Sipas statistikave zyrtare, të huajt përbëjnë më shumë se 70 përqind të popullsisë së burgjeve në Zvicër.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Këshilli Federal dëshiron të lehtësojë barrën mbi personelin infermieror, më pak orë pune Ministrja e Brendshme, Elisabeth Baume-Schneider, prezantoi të mërkurën ligjin e ri federal për kushtet e punës...
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA