Opinione
S’mund të quhen vajza të përdala vetëm pse u dhuruan lule futbollistëve anglezë
Këto vajza sipas zonjës Çitaku, paskan prekur“moralin” tonë vetëm pse kanë dalë në mënyrë të organizuar në Aeroportin “Adem Jashari “të Prishtinës, në pritje të futbollistëve të kombëtares së Anglisë

Disa vajza shqiptare të Kosovës,nga dëshira që të shprehin respektin ndaj shtetit të Anglisë që menjëherë pas Shteteve të Bashkuara të Amerikës, është më meritori për çlirimin e Kosovës, u kritikuan ashpër nga zonja Vlora Çitaku, ambasadore e vendit tonë në SHBA.
Këto vajza sipas zonjës Çitaku, paskan prekur“moralin” tonë vetëm pse kanë dalë në mënyrë të organizuar në Aeroportin “Adem Jashari “të Prishtinës, në pritje të futbollistëve të kombëtares së Anglisë.
Me këtë rast ato në shenjë mirëseardhje u kanë dhuruar edhe tufa lulesh futbollistëve anglezë, të cilët do të luanin ndeshjen e kthimit në stadiumin “Fadil Vokrri “ të Prishtinës me kombëtaren e Kosovës.
Sipas zonjës Çitaku pritja dhe të qenët tifoz i një skuadre apo kombëtareje të futbollit qenka e drejtë ekskluzive vetëm e grupit të meshkujve “Dardanët” dhe Federatës së Futbollit të Kosovës.
Çfarë ligji mund t’ua ndalojë këtyre vajzave të drejtën që të kenë bie fjala grupin e tyre të tifozërisë “Shqiponjat”?
Edhe këto vajza janë të njëjtit gjak dhe komb me ato që u martuan me të huaj ,që kishin ardhur me misione të ndryshme në Kosovë. Madje, shumica nga ato kishin edhe pozita udhëheqëse në institucionet e Kosovës. Pse për ato nuk u tha as edhe një fjalë e vetme kritike?
Vajzave tona që pushtuan me sukseset e tyre skenat e muzikës botërore u thurim lavde nga më të ndryshmet gati çdo ditë. E, asnjëherë s’guxojmë t’i kritikojmë, kur ato ndërrojnë dashnorët e tyre, që po ashtu janë të huaj. Apo kur shfaqen nudo nëpër revista të ndryshme në të katër anët e botës.
Të qenët për dikë nënë e dikë njerkë tregon shpirtngushtësinë dhe primitivizmin tonë,ndaj femrës nënë, vajzë e motër, që ka mbetur e ngujuar në ferrin e krijuar nga të pushtetëshmit e Kosovës, qofshin ata burra apo gra .
Zonja Çitaku me rol të rëndësishëm në jetën politike të Republikës së Kosovës,duhet t’i kritikojë dhe t’i denoncojë dukuritë e shëmtuara dhe amorale në vendin e saj. Sikur ato kur mësuesi e përdhunoi saherë që deshi nxënësen e vet. Pastaj kur ajo e kërkoi shpëtimin tek polici i cili thirrej në mbrojtje të ligjit dhe rendit e pësoi edhe më keq nga ai. Si dhe rastet kur disa profesorë matuf u kërkuan studenteve të tyre marrëdhënie seksuale në këmbim të notës.
T’i rikujtojmë zonjës Çitaku që në Kosovë një numër i konsiderueshëm arsimtarësh dhe profesorësh sot i kanë gra ish- nxënëset e veta. Akt ky që në një shtet si Zvicra ndëshkohet rëndë.
Këto janë probleme që e njollosin familjen dhe shoqërinë shqiptare. Sipas “ sheriatit” të zonjës Vlora Çitaku, do t’u shkonte koka shumicës së vajzave zvicerane të cilat me dhjetëra herë u fotografuan dhe u përqafuan me futbollistët me origjinë shqiptare,që luajtën në kombëtaren e Zvicrës, duke filluar nga Milaim Rama, Xherdan Shaqiri, Granit Xhaka,Valon Behrami, Blerim Xhemaili, Admir Mehmedi,Pajtim Kasami dhe Albian Ajeti.
Zonja Çitaku, ndaj atyre që na përkrahën dhe vazhdojnë të na përkrahin duhet të jemi mirënjohës përherë,e jo vetëm atëherë kur na shpëtojnë nga flakët e pushkës së armiqve.
- Ky është një opinion i autorit dhe jo domosdoshmërisht pasqyron qëndrimin e redaksisë
E-Diaspora
-
Gjermani: 7200 euro gjobë shtetasit kosovar për vetëpunësim të rremë Punëtori kosovar i ndërtimit punonte njëkohësisht si punonjës dhe "i vetëpunësuar" për të njëjtën kompani. Gjobitet...
-
Sot i jepet lamtumira e fundit mërgimtarit që u mbyt në Liqenin e Ujmanit
-
Mbante niqab në vend publik: Gjobitet kosovarja në Bernë
-
“BALFIN Group” i Samir Manes blen godinën ikonike në “zemër” të Vjenës
-
“20 Minuten” i kushton një artikull TikToker-it shqiptar për suksesin e tij në Zvicër
Jeta në Zvicër
-
Zvicër: Rritet numri i rasteve të trafikimit me qenie njerëzore Zvicra vazhdon të përballet me sfidën e trafikimit të qenieve njerëzore. Gjatë vitit 2024, janë identifikuar...
-
Zvicra shqyrton mundësinë e njohjes së shtetit të Palestinës
-
Kapet sasi rekord droge në Aeroportin e Gjenevës
-
Gjetja e një pune në Zvicër mund të jetë një proces i ndërlikuar
-
Pse është më mirë të punosh në Cyrih, por të mos jetosh atje