Tematike
Deputetët zviceranë në Kosovë, duan të shohin nëse vendi ka nevojë për Swisscoy
Një grup parlamentarësh, pjesëtarë të Komisionit për Politikë të Sigurisë, janë nisur dje për në Kosovë, që të shohin "me sytë tyre" nëse duhet mbajtur Swisscoy ose jo
Dje, më 27 nëntor, Qeveria e Zvicrës u shpreh për nevojën e rritjes së numrit të pjesëtarëve të misionit paqeruajtës të Zvicrës, Swisscoy në Kosovë. 30 ushtarë duhet t`i shtohen këtij misioni për të qenë në nivel të kërkesave që shtron situata “në përshkallëzim e sipër”, sipas ministres së mbrojtjes, Viola Amherd.
Por, ky qëndrim i Këshillit Federal, për t`u jetësuar, duhet së pari të votohet nga parlamenti. Për këtë qëllim, një grup parlamentarësh, pjesëtarë të Komisionit për Politikë të Sigurisë, janë nisur po dje me aeroplan për në Kosovë, shkruan NZZ.
Atje i pret një komando me flamuj, e cila do t`i transportojë në kampin e afërm të Swisscoy-t. Për dy ditët në vijim janë paraparë fluturime me helikopter nëpër lokalitete të ndryshme, transmeton albinfo.ch. Atje, parlamentarët zviceranë mes tjerash do të bashkëbisedojnë edhe me popullatën.
Anëtarët e komisionit të përmendur duan të shohin me sytë e tyre nëse misioni zviceran në Kosovë është ende i nevojshëm ose jo.
Deputeti i ri i senatit (Dhomës së Kantoneve) nga SVP, Werner Salzmann tregohet skeptik, madje jo vetëm për sa i përket rritjes së propozuar të misionit. “Misioni po vazhdon tashmë prej 20 vitesh. Ngadalë por sigurt, Policia e Kosovës do të duhej të ishte tashmë në gjendje që të kujdeset vetë për sigurinë në vend”, përcjell albinfo.ch. Megjithatë ai nuk dëshiron të nxitojë me vlerësimin e situatës prandaj dëshiron që gjykimin ta japë pas vizitës në vend.
Por ndryshe e sheh gjendjen deputetja nga SP, Priska Seiler Gtraf, e cila po ashtu ka fluturuar drejt Prishtinës. “Promovimi ushtarak i paqes është një ndër shtyllat mbi të cilat qëndron ushtria dhe prandaj ka kuptim”.
Këtë e kishte konstatuar ajo edhe në një vizitë të bërë para tri vitesh në Kosovë. ”Zvicra si shtet neutral gëzon një besueshmëri të madhe në Kosovë. Për këtë arsye ushtarët zviceranë mund të veprojnë si “sytë dhe veshët” e KFOR-it. Kjo gjë mundëson identifikimin e hershëm të konfliktit dhe shuarjen e tij.
Me shtimin e numrit të personelit, Swisscoy do t`i kushtojë buxhetit të Zvicrës 40 milionë franga në vit, pëfcjell albinfo.ch. Aktualisht, ai kushton 33 milionë franga në vit.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër