Ende s’ka marrëveshje LDK-LVV

Pas mbledhjes së dy liderëve, të VV-së e LDK-së, kanë folur para mediave Glauk Konjufca dhe Avdullah Hoti

Pas mbledhjes së dy liderëve, të VV-së e LDK-së, kanë folur para mediave Glauk Konjufca dhe Avdullah Hoti, derisa të dy këta thanë para mediave se janë dakorduar në mbledhjen e sotme që të vazhdojnë takimet.

Anëtari i Kryesisë së LDK-së, Avdullah Hoti, tha se me VV-në kanë vendosur një standar të ri të komunikimit të ndërsjellë, duke i informuar me detaje për marrëveshjen.“Ju keni parë prej 6 teorit kemi vendosur një standard të ri të komunikimit të ndërsjellë mes dy subjekteve, po edhe me qytetarët duke i informuar me detale, kemi pasur një takim të gjatë, po mjaft konstruktiv për të shkëmbyer të gjitha pozicionet tona për marrëveshje. Jemi dakorduar që të vazhdojmë takimet në baza ditore.
Takim të rëndësishëm e konsideroi atë mes Mustafës e Kurtit, edhe Glauk Konjufca i VV-së.

“Pajtohem që ishte një takim shumë i rëndësishëm në përpjekje për të gjetur marrëveshej dhe pikërisht se i kemi shtruar të gjitha opsionet e mundshme dhe janë diskutuar plot mënyra të zgjidhjes, ndaj që kemi parë avancim, u pajtuam që takimet tona të jenë më të shpeshta, në të ardhmen dhe pikërisht për këtë arsye nesër sërisht do të takohemi që të vazhdojmë ku e lamë sonte, me të cilat përfundam takimin”, tha ai, derisa shtoi se do të ketë takim edhe nesër.

Konjufca megjithatë nuk e ka sqaruar marrëveshjen që e kanë arritur për pozitën e presidentit.

“Ne kemi folur për shumë pika sot, mirëpo nuk mund të përgjigjem në pyetjen tuaj drejtpërdrejt, për sa kohë që takimi i nesërm do të sqarojë shumë pak të tjera.

---