Futboll
Arsenali e sqaron mungesën e Xhakës në derbin e Londrës kundër Chelseat
Hertha Berlin i ka ofruar 35 milionë euro për Xhakën
Arsenali ka njoftuar se Granit Xhaka nuk është pjesë e skuadrës që do të përballet sot me Chelsean, në ndeshjen e fundit në vitin 2019, në një kohë pasigurie për të ardhmen e mesfushorit shqiptar.
Skuadra e Mikel Artetës, për të cilin do të jetë testi i parë serioz pas emërimit trajner i “Topçinjve” këtë muaj, e pret Chelsean në Emirates Stadium, duke e ditur se vetëm fitorja do t’ia mbajë gjallë shpresat për top katërshe, raporton Gazeta Express.
Në debutimin e tij si trajner, Arteta e vendosi Xhakën titullar në barazimin 1:1 me Bournemouth në mesjavë, por përfaqësuesi i Zvicrës mungon në skuadrën e përzgjedhur sot nga spanjolli për ballafaqimin derbi me Chelsean.
Arsyeja e mungesës së 28-vjeçarit është ftohja, sipas klubit të tij Arsenal. “Xhaka mungon në ndeshjen e sotme për shkak të sëmundjes”, shkroi në Twitter klubi nga Londra Veriore. Mundësitë që Xhaka të luajë përsëri për Arsenalin janë shumë të vogla, duke e parë dëshirën e vet futbollistit për t’u larguar pas zënkës me tifozët që i kushtoi me humbjen e shiritit të kapitenit muaj më parë.
Madje Xhaka mund ta ketë luajtur lojën e fundit në fanellën e Arsenalit tashmë, duke qenë se afati kalimtar dimëror hapet me një janar dhe Xhaka ka arritur marrëveshje me Hertha Berlinin.
Hertha Berlin i ka ofruar 35 milionë euro për Xhakën, pesë më pak seç kërkon Arsenali, një shumë jo e madhe që është pengesa e vetme për arritjen e marrëveshjes për kthimin e 28-vjeçarit në Bundesligë.
Menaxheri i Xhakës, Jose Noguera, zbuloi se ish-ylli i Baselit dhe Borussia Monchengladbach ka arritur marrëveshje me Hertha Berlin dhe se tani i mbetet vetëm klubeve të pajtohen për transferimin e tij.
E-Diaspora
-
Flisni shqip në Zvicër! Përdorimi i gjuhës shqipe në Zvicër nuk duhet të shihet vetëm si një aspekt i diversitetit...
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
Jeta në Zvicër
-
Flisni shqip në Zvicër! Përdorimi i gjuhës shqipe në Zvicër nuk duhet të shihet vetëm si një aspekt i diversitetit...
-
RTS: “Toka Brenda Meje” e Fisnik Maxville-it trajton traumën e Kosovës
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special