Lajme
Sa është e mbrojtur Zvicra nga koronavirusi
Autoritetet shëndetësore zvicerane thonë se tani ekziston vetëm një rrezik "i moderuar" i kësaj sëmundjeje infektive që të përhapet në Zvicër
Sipas Organizatës Botërore të Shëndetit, më shumë se 580 njerëz janë infektuar me koronavirus, deri tani, 81 prej të cilëve kanë vdekur.
Por “duke pasur parasysh evolucionin e ditëve të kaluara dhe afrimin e festave të lidhura me Vitin e Ri Kinez, të cilat fillojnë më 25 janar, rreziku i një përhapjeje rritet”, tha Zyra Federale e Shëndetit Publik Zviceran (FOPH) në faqen e saj të internetit, përcjell albinfo.ch.
Sidoqoftë, FOPH vuri në dukje se “nuk ka arsye për momentin” për të zbatuar të njëjtat masa kufizuese në Zvicër siç ishin marrë në Aeroportin Fiumicino në Romë dhe në Heathrow të Londrës, ku pasagjerët që vinin nga Wuhan kontrollohen për shenja të koronavirusit.
Asnjë kontroll i tillë nuk po zhvillohet në aeroportet ndërkombëtare në Cyrih dhe Gjenevë.
Sidoqoftë, Zvicra po “monitoron nga afër situatën dhe po përgatitet me partnerët e saj për disa skenarë që përfshijnë përhapjen e koronavirusit”, tha FOPH, përcjell tutje albinfo.ch.
Për njerëzit që udhëtojnë në Kinë në të ardhmen e afërt, FOPH rekomandon udhëzimet e mëposhtme:
Praktikoni një higjienë të mirë personale, përfshirë larjen e duarve rregullisht.
Shmangni tregjet e peshkut, si dhe tregjet që shesin kafshë të gjalla ose të ngordhura.
Hani vezë dhe mish vetëm nëse janë gatuar plotësisht.
Shmangni kontaktin me kafshët dhe pikat e tyre.
Rri larg nga njerëzit që vuajnë nga simptomat e frymëmarrjes.
Udhëtarët që kthehen nga Kina me probleme të frymëmarrjes ose shenja të tjera infeksionesh duhet të këshillohen menjëherë me mjekun, tha FOPH.
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore