Lajme
Aeroplani i rrëzuar në Afganistan ishte i ushtrisë amerikane
Ushtria amerikane të hënën ka thënë se një aeroplan ushtarak E-11A është rrëzuar në provincën Ghazni të Afganistanit, por ka hedhur poshtë pretendimet të jetë rrëzuar nga talebanët.
Zyrtarë të lartë afganë kanë thënë për Reutersin se autoritetet kanë shkuar me shpejtësi për të gjetur dhe identifikuar mbetjet e aeroplanit, në një zonë malore të kontrolluar pjesërisht nga talebanët.
“Ndërsa shkaktari i rrëzimit është duke u hetuar, nuk ka indikacione se rrëzimi të jetë shkaktuar nga armiku”, ka thënë zëdhënësi i ushtrisë amerikane, Koloneli Sonny Leggett, në një deklaratë.
“Pretendimet e talibanëve se edhe aeroplanë të tjerë janë rrëzuar, janë të pavërteta”, tha Leggett.
Aeroplani ushtarak, i ndërtuar nga “Bombardier Inc”, përdoret për të ofruar komunikim në lokacione të largëta.
Ushtria nuk tha se sa persona kanë qenë në bord apo nëse ka vdekur dikush.
Zyrtarë amerikanë, duke folur në kushte anonimiteti, thanë se më pak se pesë persona kanë qenë në aeroplan kur është rrëzuar. Një zyrtar tha se, sipas informatave të para, së paku dy persona ishin në aeroplan.
Fotografi dhe video të postuara në rrjetet sociale që supozohet të jenë nga vendi i rrëzimit, shfaqin ato që mund të jenë mbetjet e aeroplanit Bombardier E-11A. Reutersi nuk ka mundur t’i verifikojë pamjet.
“Aeroplani, i cili ishte në një mision të mbledhjes së informatave, është rrëzuar në zonën Sado Khel të rajonit Deh Yak të provincës Ghazni”, tha Zabihullah Mujahid, zëdhënës i talibanëve në një deklaratë.
Mujahid nuk tha se si e rrëzuan aeroplanin. Ai tha se në brendësi të tij ishin oficerë të lartë amerikanë. Një zyrtar i lartë i mbrojtjes ka mohuar se të jenë përfshirë oficerë të lartë amerikanë.
Fillimisht u raportua se aeroplani i rrëzuar ishte i aviokompanisë “Ariana Airlines”, por që menjëherë kompania e mohoi këtë informacion, përcjell Albinfo.ch.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla