Lajme
Zvicër: Nga 200 raste të dyshuara, asnjë me koronavirus
Kështu ka deklaruar sot Zyra Federale e Shëndetit Publik në informacionin e përjavshëm që është mbajtur mbi koronavirusin
Prania e koronavirusit nuk ka mundur të zbulohet në asnjërën nga 200 mostrat e ekzaminuara në Zvicër deri më tani.
Kështu ka deklaruar sot Zyra Federale e Shëndetit Publik në informacionin e përjavshëm që është mbajtur mbi virusin korona që ka filluar të mbahet nga e premtja e kaluar, shkruan srf.ch.
Aktualisht janë dy shtetas zviceranë që ndodhen në një anije lundrimi në Japoni të izoluar për shkak të virusit. Ministria e Jashtme (EDA) është në kontakt me ta, u tha sot në konferencën për media të mbajtur në Bernë.
Pesë persona zviceranë që janë kthyer nga Kina më 3 shkurt me fluturimin e evakuimit janë ende në Francë, afër Marsejës. Gjendja e tyre është e mirë, thotë Hans-Peter Lenz, kreu i qendrës së menaxhimit të krizave në EDA. Pasi të ketë mbaruar karantina, EDA do të ndihmojë kthimin e tyre në Zvicër.
Lenz me këtë rast ka falënderuar edhe një herë Francën, e cila ka bërë të mundur fluturimin e evakuimit të shtetasve zviceranë nga provinca e prekur në Kinë: “Kjo masë ishte e nevojshme për shkak të situatës së jashtëzakonshme”.
Ende e paqartë çështja e kostos për të kthyerit nga Kina
Ende është e paqartë nëse shtetasit zviceranë që janë në karantinë në Francë do të duhet të ndajnë koston e kthimit. Sipas Hans-Peter Lenz nga EDA, kjo ende nuk është vendosur.
Ministria është në kontakt me autoritetet franceze.
Qeveria federale ndërkohë ka forcuar punën rreth informimit në aeroportet e vendit. Udhëtarët këshillohen që nëse shohin t`u jenë shfaqur simptomat e njohur, në rast se kanë qenë në Kinë, duhet të telefonojnë menjëherë mjekun e tyre.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse