E jashtëzakonshme: Një zemër për Kosovën nga Air Prishtina dhe Chair

Agjencia e Shërbimeve të Navigacionit Ajror- ASHNA ka njoftuar se një pilot i Air Prishtina -Chair ka kërkuar që të bëjë zemrën mbi qiellin e Kosovës me aeroplan

Sot, me kërkesë të pilotit dhe me miratim të kontrollorit të trafikut ajror, aeroplani i kompanisë  AirPrishtina – Chair në linjën Cyrih – Prishtinë bëri simbolin e zemrës në qiellin e Kosovës si shenjë përkrahjeje për vendin tonë në këto momente të vështira për gjithë në, si rrjedhojë e virusit Covid-19, transmeton albinfo.ch.

“Sot realizuam fluturimin e fundit riatdhesues nga Prishtina. FALENDERIMET tona, posaqërisht, shkojnë për: AAC Kosovë, ASHNA, ambasadat e Zvicrës, Gjermanisë, Suedisë, Britanisë së Madhe, Finlandës, Francës, Norvegjisë, Danimarkës, si dhe SHBA-s e Kanadas, dhe të gjithë atyre që bënë të mundshëm realizimin e këtyre fluturimeve. Ju urojme shëndet, dhe shihemi së shpejti.”, thuhet në njoftimin e Air Prishtinës.

Nga ana tjetër Agjencia e Shërbimeve të Navigacionit Ajror- ASHNA ka njoftuar se një pilot ka kërkuar që të bëjë zemrën mbi qiellin e Kosovës me aeroplan. Kjo formë e zemrës mbi Kosovën është bërë si shenjë përkrahjeje për vendin tonë në kohën, kur po përballet me pandeminë e coronavirusit. Sipas ASHNA-s, kërkesën e ka miratuar kontrollori i trafikut ajror.

“Sot me kërkesë të pilotit dhe me miratim të kontrollorit të trafikut ajror, aeroplani i kompanisë Air Prishtina – Chair në linjën Cyrih – Prishtinë bëri simbolin e zemrës në qiellin e Kosovës si shenjë përkrahjeje për vendin tonë në këto momente të vështira për gjithë ne, si rrjedhojë e virusit Covid-19. ASHNA dhe personeli i saj, Kontrollorët e Trafikut Ajror, Inxhinierët e pajisjeve aeronautike, Meteorologët aeronautikë dhe Zyrtarët e Informacionit Aeronautik vazhdojnë në ofrojnë shërbimet e tyre për të mbajtur hapur të vetmen portë të Kosovës me botën. Urojmë që së shpejti në njërin nga këta aeroplanë që po vijnë në Kosovë, të vijë edhe vaksina e ilaçet për të mposhtur këtë armik të padukshëm”, thuhet në njoftimin e ASHNA-s.

---