Lajme
Qeveria, kundër detyrimit për vënie të maskave në ambientet publike
Megjithatë, maskat mund të jenë të detyrueshme në dyqane dhe biznese, duke përfshirë këtu edhe maskat për klientët
Këshilli Federal nuk ka vendosur detyrimin për të mbajtur maskë në ambientet publike. Para së gjithash, sipas qeverisë së Zvicrës, maska higjenike ofron fare pak mbrojtje për personin që e vë atë.
Mbajtja e distancës dhe larja e duarve janë masat më efektive që duhet praktikuar. Qeveria Federale gjithashtu këshillon kundër maskave të qepura vetë.
Këto janë disa nga pohimet që dalin nga mbledhja e mbajtur sot e Këshillit Federal, të cilat pastaj janë publikuar edhe në konferencën për media ku po marrin pjesë tre ministra federalë, që ka filluar në orën 15.00.
Megjithatë, maskat mund të jenë të detyrueshme në dyqane dhe biznese, duke përfshirë këtu edhe maskat për klientët, transmeton albinfo.ch. Degët e veçanta të ekonomisë janë të detyruara të paraqesin koncepte mbrojtjeje për lehtësimin gradual të masave dhe, këto koncepte mund të përfshijnë edhe vënien e maskave.
Në kundërshtim me vendimin e javës së kaluar, qeveria bën të ditur se megjithatë mbetet kufizimi i gamës së produkteve në shitjen me pakicë. Njoftimi i mëhershëm për lehtësimin në fjalë kishte shkaktuar shumë pakënaqësi, përcjell albinfo.ch. Është e padrejtë nëse shitësit me shumicë lejohen t`i ofrojnë të gjitha mallrat e mundshme, ndërkohë që shitësit në dyqane të vogla, të mos lejohen të punojnë fare.
Nga 11 maji të gjitha dyqanet do të lejohen të hapen përsëri.
Të ngjashme
Të tjera nga Lajme
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Testet e para në Appenzell për të prezantuar patentë shoferin digjital Patentë shoferi i një nxënësi digjital ka hyrë në fazën e testimit në Appenzell Ausserrhoden, një...
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen
-
Debati në Zvicër për pagat minimale