Gjermania do të hapë në qershor plotësisht kufijtë me Austrinë

Ka mjaftuar vetëm një telefonatë me kancelares gjermane, Angela Merkel dhe kancelarit austriak, Sebastian Kurz dhe duket se epilogu është i qartë: Gjermania do të hap plotësisht kufijtë me Austrinë

Që nga dita e premte do të këtë hapje të kufirit të kufizuar dhe me kontrolle në mes Gjermanisë dhe Austrisë. Kjo do të jetë një nismë parapërgatitore për hapjen e plotë të kufijëve. Sipas parashikimeve, kufijtë e plotë do të hapen para datës 15 qershor, përcjell Albinfo Austria.

Javë më parë, Merkel kishte deklaruar se mënyra e vetme për të hapur kufijtë është bashkëpunimi me fqinjët për rreth. Sipas mediave gjermane, Merkel ka fol për një “proces me dy faza”. Por është shumë e rëndësishme për të gjetur zgjidhje për një hapje të kufijëve.

Në anën tjetër, Kurz thuhet se në 48 orët e fundit ka pasur bisedime me ministrin  e Brendshëm gjerman, Horst Seehofer ku është diskutuar edhe hapja e kufijëve Po ashtu sipas mediave gjermane, Kurz ka planifikuar që të vizitojë Gjermaninë në një të ardhme të afërt.

Gjithashtu Angela Merkel të martën njoftoj se ajo do të dontë të kthej normalitetin edhe me Francën, megjithatë duket se vet Franca ende nuk është e gatshme, për shkak se numri i të infektuarve është ende i lartë.

---