Kosovë: Katër në gjendje të rëndë, nga 12 që po trajtohen në QKUK

Në Klinikën Infektive në Kosovë po trajtohen 12 pacientë me COVID 19.

Në raportin 14 orësh të Klinikës Infektive, i publikuar nga zëdhëndsi i Ministrisë së Shëndetësisë në Kosovë, Faik Hoti, thuhet se 12 pacientë të infektuar me virusin korona janë duke u trajtuar në Klinikën Infektive, ku tetë prej tyre janë në gjendje stabile, kurse katër në gjendje më të rëndë, shkruan albinfo.ch.

Ai gjithashtu tha se nga ata katër, dy po trajtohen me oksigjenoterapi, kurse dy të tjerë janë në kujdes intenziv.

Postimi i Hotit:

Në Klinikën Infektive të QKUK-së janë të hospitalizuar 12 pacientë me Covid-19.

Prej tyre:
• 8 pacientë janë në gjendje stabile;
• 4 në gjendje më të rëndë (prej të cilëve 2 janë me oksigjenoterapi në reparte të klinikës, ndërsa 2 në mjekim intensiv).

3 pacientë të tjerë, të cilët kanë rezultuar negativ në Covid-19, e vazhdojnë mjekimin në klinikë, kurse 3 të tjerë janë në pritje të rezultateve për SARS-Cov-2 (Covid-19)./albinfo.ch

---