Dy futbollistë shqiptarë do të “luftojnë” me njëri-tjetrin për kupën e Austrisë

Ndeshja mes Austria Lustenau dhe Red Bull Salzburg zhvillohet të premten duke filluar nga ora 20:45 në Würthersee Stadion, në Klagenfurt. do të “luftojnë” me njëri tjetrin për të fituar trofeun e vlefshëm në shtetin e Austrisë.

Më në fund erdhi koha. Futbolli austriak rikthehet sërish në fushën e gjelbër. Para se të rifillojë bundesliga austriake, të premten në mbrëmje do të luhet finalja e kupës së Austrisë. Kjo ndeshje e shumë pritur zhvillohet në mes të ekipit të Austria Lustenau dhe kampionit të Austrisë, Red Bull Salzburg. Përveç kësaj, këtë ndeshje edhe më interesante do ta bëjë përballja mes dy lojëtareve shqiptarë, raporton Albinfo Austria.

Futbollistët Ismet Osmani dhe Mërgim Berisha do të “luftojnë” me njëri-tjetrin për të fituar trofeun e vlefshëm në shtetin e Austrisë.

Ismet Osmani luan si mesfushor tek Austria Lustenau dhe është 19-vjeçar, i cili këtë edicion për skuadrën e tij ka shënuar dy gola. Ndërkohë, Mërgim Berisha, 22-vjeçar është një nga sulmuesit më premtues shqiptarë në Austri dhe luan për Red Bull Salzburgun.

Ndeshja mes Austria Lustenau dhe Red Bull Salzburg zhvillohet të premten duke filluar nga ora 20:45 në Würthersee Stadion, në Klagenfurt.

---