Vazhdon riatdhesimi: 145 kosovarë u kthyen nga Belgjika në Prishtinë

Vazhdon operacioni i riatdhesimit për shqiptarët

Në aeroportin “Adem Jashari” janë riatdhesuar shtetas kosovarë nga Belgjika për në Kosovë.

Numri i të riatdhesuarve thuhet se ka qenë 145 bashkatdhetarë. Kompania CH-Air Airlines ka njoftuar për riatdhesimin e 145 shtetasve kosovarë në fluturimin special nga Belgjika në Prishtinë, shkruan albinfo.ch.

Ata janë sjellë në Kosovë në sajë të operacionit të riatdhesimit për shqiptarë, të cilët qëndronin në Belgjikë. Të ardhurit priten të vetizolohen në shtëpitë e tyre.

Vlen të theksohet se të gjithë qytetarët shqiptarë, të cilët kanë mbetur të bllokuar në diasporë, tani më fluturimet janë shpeshtuar dhe se po organizohen fluturime të reja për kthimin e shqiptarëve në vendlindje.

Udhëzohen të gjithë shtetasit e interesuar që t’i sigurojnë biletat direkt në websitet e agjencive të fluturuimeve. /Albinfo.ch

 

---