Fluturimi i parë nga Austria për në Kosovë, më 15 qershor

Foto Ilustrim

Hapja e kufijve në Zonën Shengen do të nisë nga mesi i qershorit, ku pritet të fillojnë edhe fluturimet nga shtetet evropiane për në Kosovë e anasjelltas.

Më 15 qershor do të ketë fluturim nga Austria në Kosovë, sipas Ambasadës së Kosovës në Austri. Ambasada e Kosovës në Austri ka shkruar në Twitter se më 15 qershor do të nisin fluturimet e Austrian Airlines për në Prishtinë. “Austrian Airlines nga 15 qershori 2020 fluturon për Prishtinë”, shkruan ambasada.

Ndërkaq, vetë kompania ka shpërndarë një video udhëzuese për rregullat që duhet të ndiqet dhe hapat që janë marrë për të mundësuar udhëtime të sigurta.