Hoti flet pas formimit të Qeverisë

Ai thotë se do të bashkëpunojë edhe me opozitën

I kënaqur nga marrëveshja e arritur me partnerët e tij të koalicionit, Avdullah Hoti doli të flasë para mediave në cilësinë e kryeministrit, duke potencuar se ndjehet shumë i kënaqur që kanë arritur një marrëveshje për nevojat emergjente që, sipas tij, i ka Kosova.

“Sot ishte një seancë e mirë në Kuvend, e organizuar mirë dhe në përputhje me Kushtetutën. Jam shumë i kënaqur që pas një muaji pune me partnerët kemi bërë një program për nevojat emergjente që i ka Kosova”.

“Rimëkëmbja ekonomike do të jetë e menjëhershme. Kuvendi do të ketë punë qysh me fillim. Kam dhënë zotimet para deputetëve dhe qytetarëve për ndërrimin e diskursit publik. Jam i vetëdijshëm dhe i bindur që me koalicionin që kemi ndërtuar edhe me opozitën, jemi bërë pjesë e të gjitha proceseve të rëndësishme. Do t’i dalim zot këtij vendi, duke punuar edhe me opozitën”, tha Hoti, përcjell albinfo.ch.

Por, ndonëse u pyet nga gazetarët, Hoti nuk pranoi të fliste për koalicionin që lidhi me Listën Serbe./albinfo.ch

 

---