Tri qytete zvicerane, në top-10 në botë si më të shtrenjtat për mërgimtarët

Qytetet zvicerane janë shumë të shtrenjta për mërgimtarët. Tri prej tyre janë renditur në top-10

Tri qytete zvicerane – Cyrih, Bern dhe Gjenevë – janë ndër dhjetë më të shtrenjtat në botë për mërgimtarët, sipas sondazhit vjetor të Kostos së Jetesës nga konsulentët Mercer.

Hong Kongu mbetet në krye të listës së 209 vendeve për vitin e tretë me radhë. Gjashtë nga dhjetë kryesorët janë në Azi, tre në Zvicër dhe një në Shtetet e Bashkuara, përcjell albinfo.ch.

Cyrihu u ngjit në një vend që nga viti i kaluar në 4, Bernë dhe Gjenevë renditen në vendin e 8 dhe 9.

Qytetet më të lira janë, kryeqyteti Namibian, Windhoek (208) dhe Tunisi në Tunizi (209).

Të dhënat u mblodhën në shkurt dhe mars, por për shkak të pandemisë Covid-19, Mercer kryen analiza të mëtejshme për disponueshmërinë e mallrave në prill dhe maj për të verifikuar çmimet, përcjell tutje albinfo.ch.

Renditja e këtij viti, botuar të martën, përfshin 209 qytete në pesë kontinente dhe mat koston krahasuese të më shumë se 200 artikujve në secilin vend, duke përfshirë strehimin, transportin, ushqimin, veshjen, argëtimin dhe mallrat shtëpiake.

Ai zbuloi se faktorë specifikë siç janë luhatjet e monedhave, inflacioni i kostos për mallra dhe shërbime dhe paqëndrueshmëria e çmimeve të akomodimit janë thelbësore për përcaktimin e kostos së paketave të mërgimtarëve për punonjësit në detyra ndërkombëtare.

Për shembull, ndërsa rënia globale e ekonomisë u zhvillua gjatë pjesës së parë të vitit, forca e dollarit rriti kostot për mërgimtarët në qytetet e SHBA-së.

https://www.mercer.com/newsroom/2020-cost-of-living.html

 

---