Sonte shfaqet dokumentari kushtuar Challandesit në Zvicër

Trajneri zviceran ka arritur shumë suksese me Kosovën në futboll

Trajneri zviceran, Bernard Challandes, ka ‘ngjallur’ Kosovën në futboll, duke e bërë të ëndërrojë për tu kualifikuar në një Kampionat Evropian.

Kosova ka formuar një ekip dhe në shumë ndeshje ishte pa humbje, përcjell albinfo.ch.

Sonte, pritet të shfaqet në Zvicër një dokumentar për trajnerin e Kosovës, derisa protagonistë pritet të jenë edhe treshja e futbollistëve: Samir Ujkani, Benjamin Kololli e Mërgim Vojvoda.

“Fundi i lojës” është produksion i vitit 2018, që flet për diasporën shqiptare në Zvicër.

Dokumentari “Fin de Partie” (Fundi i lojës) për përzgjedhësin e Përfaqësueses së Kosovës në futboll, zviceranin Bernard Challandes, ka një rrëfim intrigues jo vetëm për adhuruesit e këtij sporti.

Dokumentari do të shfaqet në televizionin zviceran “RTS 1” nga ora 22:10.

 

---