Lajme
Në burgjet e Bernës futet detyrimi i mbajtjes së maskës
Në burgjet rajonale të Kantonit të Bernës, nuk është gjithmonë e mundur të ruhet distanca e kërkuar minimale prej 1.5 metra për shkak të kushteve të punës
Tani e tutje, të gjithë të burgosurit, punonjësit dhe vizitorët e burgjeve rajonale të Bernës duhet të mbajnë maska mbrojtëse, njofton drejtoria kantonale e sigurisë, shkruan sda.ch.
Ky vendim është marrë për të minimizuar rrezikun e infektimit nga koronavirusi. “Deri më tani, kemi arritur ta mbajmë virusin larg burgjeve rajonale” ka thënë drejtori i sigurisë Philippe Müller, transmeton albinfo.ch. “Por me këtë masë, ne duam të vazhdojmë të mbajmë rrezikun e infeksionit sa më të ulët që të jetë e mundur”.
Në burgjet rajonale të Kantonit të Bernës, nuk është gjithmonë e mundur të ruhet distanca e kërkuar minimale prej 1.5 metra për shkak të kushteve të punës, përcjell albinfo.ch. Për shkak të hyrjes dhe daljes së shpeshtë të personave të burgosur, rritet mundësia e infektimit me virusin e koronës.
Ky detyrim vlen vetëm për ato periudha kur personat e prekur, në këtë rast, të burgosurit, janë jashtë qelive të tyre.
Në kantonin e Bernës punojnë pesë burgje rajonale. Ato ndodhen në: Bernë, Biel, Burgdorf, Thun dhe Moutier. Rreth 400 të burgosur, 250 punonjës dhe vizitorët, janë të prekur nga kjo masë.
Të ngjashme
Të tjera nga Lajme
E-Diaspora
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian Kryeministri Edi Rama, fjalimin në pallatin e sportit “Busto Arsizio” në Itali, e nisi me një...
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
Jeta në Zvicër
-
Mediumi zviceran pas përfundimit të procesit të regjistrimit: Popullsia e Kosovës po tkurret Ditën e premte në Kosovë ka përfunduar procesi i regjistrimit të popullsisë dhe brenda një muaji...
-
Zvicra mohon ultimatumet e samitit të paqes në Ukrainë
-
Shaqiri i bashkohet Zvicrës më herët se që pritej
-
Pse zviceranët duan të punojnë më pak
-
TPG do të punësojë 200 shoferë