Lajme
Zvicër: Të gjitha partitë bëhen bashkë kundër iniciativës së SVP-së
Folës nga SP, FDP, CVP, Të Gjelbrit (GPS), Liberalët e Gjelbër (GLP), BDP dhe EVP kanë prezantuar qëndrimet e tyre para mediave.
Pasditen e sotme, shtatë parti që kanë përfaqësues në Parlamentin e Zvicrës kanë hapur fushatën e votimit kundër iniciativës së SVP-së për “kufizimin”.
Siç dihet, kjo iniciativë, e lansuar më parë por e ndërprerë përkohësisht për shkak të pandemisë, kërcënon, në shkallë të fundit, prishjen e marrëveshjeve bilaterale të Zvicrës me shtetet e BE-së, shkruan albinfo.ch.
Folës nga SP, FDP, CVP, Të Gjelbrit (GPS), Liberalët e Gjelbër (GLP), BDP dhe EVP kanë prezantuar qëndrimet e tyre para mediave. Mbi të gjitha, ata kanë paralajmëruar për pasoja të rënda ekonomike nëse iniciativa do të miratohet nga populli votues në fund të shtatorit, transmeton albinfo.ch.
Anëtari i Dhomës së Kantoneve (Senatit) të Parlamentit Federal, nga FDP, Andrea Caroni ka paralajmëruar se miratimi eventual përbën një kërcënim për prosperitetin e vendit dhe për vendet e punës.
Deputetja në Dhomën Nacionale nga SP, Samira Marti në fjalën e saj ka shprehur frikën se mnë një rast të tillë, do të dobësohet dhe rrezikohet mbrojtja e pagave.
Ndërsa deputetja nga CVP, Elisabeth Schneider-Schneiter (BL) ka thënë se më shumë se gjysma e tregtisë së jashtme të Zvicrës bëhet përmes BE-së. Pa marrëveshje bilaterale, kompanitë zvicerane do të humbnin qasjen e privilegjuar që në tregun më të rëndësishëm të shitjeve.
Iniciativa e SVP kërkon që Këshilli Federal të rinegociojë lëvizjen e lirë të personave me BE brenda një viti. Nëse kjo dështon, Zvicra do të duhet të ndërpresë marrëveshjen për lëvizjen e lirë dhe me këtë do të rrezikohen edhe marrëveshjet bilaterale me shtetet anëtare të BE-së.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë