Lajme
Italianët nuk lejojnë mërgimtarin nga Zvicra të shkojë në Shqipëri
Eshtë ndalur nga policia italiane dhe nuk i është lejuar që të marrë tragetin për Shqipëri, dhe kjo i është shpjeguar me arsyen se njerëzit nga vendet e Zonës Shengen, nuk lejohen të dalin jashtë kësaj zone!
Masat e marra kundër pandemisë në shtetet e treta, po bëhen pengesë edhe për shqiptarët e Zvicrës të cilët duan të udhëtojnë drejt Ballkanit, duke kaluar nëpër to. Një rast i tillë i ka ndodhur edhe një shqiptari me qëndrim në Zvicër, i cili nëpërmes Italisë donte të shkonte në Shqipëri.
Muhamet Maloku nga Oberrieti i Zvicrës në një prononcim për albinfo.ch ka rrëfyer problemin në të cilin ka hasur para disa ditësh kur ishte nisur për t`i kaluar pushimet në Shqipëri.
Maloku ka thënë se në Itali është ndalur nga policia italiane dhe nuk i është lejuar që të marrë tragetin për Shqipëri, dhe kjo i është shpjeguar me arsyen se njerëzit nga vendet e Zonës Shengen, nuk lejohen të dalin jashtë kësaj zone!
“Deri në Itali nuk kemi hasur në ndonjë problem, çdo gjë ka shkuar në rregull. Mirëpo, kur arritëm në Itali, pasi kemi bërë chek-in dhe të gjitha procedurat për tu nisur për Shqipëri, policia italiane më ka ndaluar dhe më ka thënë që me pasaportë zvicerane nuk mund të dal jashtë Zonës Shengen. Kjo gjë nuk ka vlejtur edhe për bashkëshorten time, e cila posedon edhe pasaportën e Kosovës. Ky problem nuk më ka ndodhur vetëm mua. Janë disa familje që kemi mbetur këtu në Itali për pushime e disa të tjera janë kthyer. Të gjitha rezervimet i kemi pasur në Shqipëri, pasi që ne nuk e kemi ditur që nuk mund të dalim në Shqipëri” ka rrëfyer Maloku për albinfo.ch.
Në ndërkohë, albinfo.ch është duke u marrë me rastin dhe do të përpiqet që të marrë informacione zyrtare nga organet kompentente, për të njoftuar lexuesit e saj lidhur me këte problem./albinfo.ch.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse