Xhaka vë në pikëpyetje mentalitetin e skuadrës së Arsenalit

Keystone

Xhaka vë në pikëpyetje mentalitetin e skuadrës së Arsenalit

Granit Xhaka e ka vënë në pikëpyetje mentalitetin e skuadrës së Arsenalit, pasi Topçinjtë e pësuan disfatën e dhjetë të këtij sezoni, duke thënë se Aston Villa ishte më agresive dhe e meritoi fitoren të martën.

Goli i shënuar nga Trezeguet në pjesën e parë të ndeshjes ishte i mjaftueshëm për t’ia dhënë Aston Villës fitoren me rezultat 1:0 kundër Arsenalit, që humbi pas dy fitoreve mbresëlënëse kundër Liverpoolit dhe Manchester Cityt, transmeton Gazeta Express.

Disfata me rezultat 1:0 bën që Topçinjtë ta kenë të mundur ta përfundojnë në ligë vetëm në pozitën e tetë, nëntë apo dhjetë, që varet nga rezultati i ndeshjes së fundit të sezonit, që zhvillohet të dielën në Emirates kundër Watfordit.

Xhaka hyri në lojë si zëvendësues gjatë pjesës së dytë dhe pas ndeshjes u shpreh i zhgënjyer me atë që kishte ndodhur.

“Sipas mendimin tim, nuk mund të vish këtu dhe të luash kështu. Nuk është mjaftueshëm e mirë dhe nuk mund të luash me këtë mentalitet”, ka thënë Xhaka.

“Nuk ishte e mjaftueshme për të marrë ndonjë pikë nga ndeshja e sotshme dhe ne e dimë se nëse do të kishim fituar sot, në ndeshjen e fundit mund të kishim luftuar për kualifikim në Ligën e Evropës”.

“Por, tani ne duhet ta fitojmë FA Cup dhe kemi më shumë presion mbi vete. Por, do të bëjmë gjithçka për ta fituar FA Cup. Ata ishim më agresiv se ne dhe e merituan atë”.

Tani që i ka mbyllur të gjitha ndeshjet si mysafir për këtë sezon, Topçinjtë e kanë barazuar rekordin e tyre më të keq në ndeshjet si mysafir brenda një sezoni, duke i regjistruar vetëm katër fitore.

Dy nga katër fitoret e Arsenalit si mysafir, kundër Southamptonit dhe Wolves, kanë ardhur pas rinisjes së sezonit në qershor, ndërsa fitoret kundër Newcastle dhe West Hamit ishin regjistruar më herët këtë sezon.

Ky është gjithashtu sezoni i tretë radhazi që Arsenali i ka humbur dhjetë ndeshje radhazi në ligë.