Futboll

Tottenhami dhe West Brom, në garë për Muriqin

E enjte, 23 Korrik 2020 - 17:40 albinfo.ch

Tottenhami dhe West Bromi po tentojnë ta bindin Fenerbahçen që t’ua shesë yllin kosovar.

Mediat turke raportojnë se futbollisti kosovar mund të luajë në Premierligë në sezonin e ardhshëm.

Tottenhami dhe West Bromwich Albioni duket se janë dy klubet më të interesuara për sulmuesin prizrenas.

Fenerbahçe po planifikon ta shesë 26-vjeçarin këtë verë dhe klubi turk do të mundohet të nxjerrë sa më shumë para nga shitja e tij.

E përditshmja turke “Sabah” raporton se klubi nga Stambolli i kërkon 20 milionë euro për përfaqësuesin kosovar.

Interesim për Muriqin ndërkohë kanë shfaqur edhe klubet e tjera angleze, si Manchester United, Newcastle United, Leicester City, Leeds United, Southampton, Brighton e Burnley.

Muriqi ka kontratë me Fenerbahçen deri në vitin 2023.

 Të ngjashme

Fenerbahce mendonte ta largonte Mërgim Berishen

 Të tjera nga Futboll

Berat Gjimshiti shpallet sërish “Lojtari i Vitit të Kombëtares”

 E-Diaspora

 Jeta në Zvicër