Gjermania fut kontrollet e detyrueshme për udhëtarët që kthehen nga Kosova

Udhëtarët që kthehen nga Kosova në Gjermani më të infektuarit.

Autoritetet gjermane japin alarmin, pasi në shtatë ditët e fundit niveli i infektimeve ka qenë konstant më i lartë se më parë. Vetëm ditën e mërkurë janë regjistruar 1000 raste të infektuar me Covid-19, përcjell albinfo.ch.

Që prej fillimit të pandemisë, Gjermania e ka pasur situatën nën kontroll, mirëpo sezoni i verës ka sjellë që situata të bëhet alarmante.

Sipas autoriteteve, shkaqet për rritjen e numrit të infektimeve janë të shumta, pasi shumica e njerëzve mendojnë se rreziku ka kaluar, mosmbajtja e maskave, mosrespektimi i masave higjienike dhe distancimit social. Ndër shkaqet kryesore është edhe numri i madh i personave, të cilët po kthehen në Gjermani. Sipas institutit  Robert Koch, personat e infektuar vijnë nga Ballkani Perëndimor dhe është fjala për Kosovën dhe Serbinë.

Autoritetet gjermane po marrin masa për parandalimin e infektimeve, pasi vetëm kështu mund të shmangin një valë tjetër, e cila do ta detyrojë të çojë vendin në izolim.

Më posht mund të shihni videon e plotë nga DW:

 

https://www.facebook.com/bahricani1/videos/681419935776688/

 

---