Lajme
Zyrtare: Konferenca Diaspora Flet 2020 do të mbahet në nëntor (virtualisht!)
Lajmërohet organizimi i konferencës treditore Diaspora Flet, këtë vit me temën ‘GlobAL2020: Lidhu. Krijo. Bashkëpuno’. Diaspora Flet 2020 sjell edicionin e saj të dytë, këtë herë në formë virtuale më 19, 20 dhe 21 nëntor, e cila do të ketë sesione diskutimi, fjalime, hapësira promovuese, panair, ankande, ngritje të fondeve, si dhe mundësi rrjetëzimi!
GERMIN – një nga organizatat jofitimprurëse lidere në Angazhimin e Diasporës Shqiptare – po organizon konferencën e saj të dytë globale të diasporës në partneritet me Fondacionin Global Shqiptar (GAF) me bazë në SHBA. Konferenca e këtij viti do të jetë plotësisht virtuale, duke lidhur profesionistë të industrisë, biznese, komunitete, aktivistë dhe ekspertë nga e gjithë bota për të reflektuar mbi angazhimin e diasporës në 20 vjetët e fundit dhe për të eksploruar se cili është roli i saj potencialt në 20 vjetët e ardhshme.
Diaspora Flet 2020 sapo ka lansuar platformën e saj virtuale, e cila do të plotësohet dita-ditës me informacione të reja si dhe do të mundësojë të gjitha aspektet reale të konferencës, ku do të ketë panele diskutimi me folës nga diaspora, të huaj dhe vendet amë, punëtori me tema specifike (workshops), promovime, etj. Për pjesëmarrësit e interesuar, duhet theksuar se biletat me çmime të zbritura janë në shitje vetëm gjatë kësaj jave, të cilat do të kthehen në çmime normale të konferencës, transmeton albinfo.ch.
Diaspora Flet 2020 vjen 2 vjet pas Diaspora Flet 2018, e cila bashkoi ligjvënës, zyrtarë qeveritarë dhe një grup të larmishëm prej mbi 300 profesionistësh shqiptarë, studiues, drejtues të komunitetit, përfaqësues të biznesit dhe interesa të tjerë nga 24 vende të ndryshme. Konferenca është pjesë e iniciativës Germin’s Diaspora Flet që ka si mision të saj krijimin e mekanizmave dhe kanaleve efektive për angazhimin e diasporës, dhe për të lehtësuar një dialog të dyanshëm me institucionet publike në vendin e tyre të origjinës.
Diaspora Flet 2020 ka thirrjen e hapur për partnerë, donatorë dhe sponzorë. Platforma Albinfo është partner medial i konferencës për të mbështetur misionin që të ndërlidhë shqiptarët nga e mbarë bota dhe për të vlerësuar dhe promovuar angazhimin e diasporës. /Albinfo.ch
LINKU PER EVENT NE FB: https://www.facebook.com/
LINKU PER BILETA: https://www.
Albinfo.ch është partner medial
Info rreth ngjarjes
- Data e fillimit19 Nëntor 2020
- Ora11:00
- Data e përfundimit21 Nëntor 2020 - 14:00
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Maratona e Gjenevës në fundjavë, shumë rrugë do të mbyllen Maratona e Gjenevës është në këtë fundjavë dhe TPG thotë se shumë rrugë të transportit publik...
-
Debati në Zvicër për pagat minimale
-
Komisioni i Këshillit Kombëtar ngadalëson financimin e pensionit të 13-të të AHV-së
-
Gjuha shqipe në Zvicër, tema qendrore e numrit më të ri të revistës albinfo.ch
-
Partitë politike në Zvicër me propozime që të frenohet rrjta e kostove shëndetësore