Gjatë kohës së bllokimit, çdo i dyti në Zvicër ka punuar nga shtëpia

Sa për krahasim: në vitin e kaluar në të njëjtën kohë, vetëm 29.2 për qind e punonjësve kanë punuar nga shtëpia

Bllokimi i shkaktuar nga koronavirusi ka shtuar ndjeshëm punën nga shtëpia të zviceranëve. Midis prillit dhe qershorit të këtij viti, 44.2 për qind e të punësuarve kanë punuar nga shtëpia (home office), të paktën me raste, shkruan srf.ch.

Sa për krahasim: në vitin e kaluar në të njëjtën kohë, vetëm 29.2 për qind e punonjësve kanë punuar nga shtëpia, raporton Zyra Federale e Statistikave (BFS) bazuar në Anketën e bërë nga organizata e Forcës së Punës të Zvicrës (SLFS).

Në tremujorin e dytë, punonjësit në fushat e informacionit dhe komunikimit, kredisë dhe sigurimit, si dhe arsimit dhe mësimdhënies, kanë punuar në shumicën e madhe të rasteve, nga shtëpia, transmeton albinfo.ch. Në këto fusha, përqindja e “shtëpive-zyra” ka qenë ndërmjet 77 dhe 87 për qind.

Bllokimi është reflektuar gjithashtu edhenë orët e punës. Punonjësit në Zvicër kanë punuar mesatarisht 28.4 orë në javë në tremujorin e dytë, që është 9.5 për qind më pak se në të njëjtën periudhë të vitit të kaluar, përcjell albinfo.ch. Numri i orëve të punës ka rënë ndjeshëm sidomos tek gratë dhe të vetëpunësuarit.

---