Tematike
Politikani i SVP-së: Personave me dy shtetësi, t`u ndalohet të bëhen deputetë
Glarner ka paraqitur një propozim parlamentar për një iniciativë që do të ndalonte personat me dy shtetësi të zgjidhen në Parlamentin Federal.
Qytetarët me dy pasaporta nuk i përfaqësojnë sa duhet interesat e Zvicrës, thotë deputeti në Parlamemtin e Zvicrës Andreas Glarner nga SVP, shkruan gazeta “SonntagsZeitung”.
Për më tepër ai ka paraqitur një propozim parlamentar për një iniciativë që do të ndalonte personat me dy shtetësi të zgjidhen në Parlamentin Federal.
Si shkas për këtë i ka shërbyer mosmarrëveshja e tij me deputeten nga Partia e Gjelbër, Sibel Arslan në javë më parë në Bundesplatz të Bernës, ku ai e kishte fyer atë, veç tjkerash, duke ia kujtuar prejardhjen e huaj (albinfo.ch ka shkruar rreth kësaj).
Sipërmarrësi nga Aargau thekson tek “SonntagsZeitung” se “kërkesa ka për qëllim vetëm të sigurojë që përfaqësuesit e njerëzve në të dy dhomat e parlamentit përfaqësojnë me të vërtetë vetëm interesat e Zvicrës dhe jo ato të një vendi të dytë”.
Ai thotë se me këtë iniciativë nuk kishte në shënjestër deputeten Arslan.
“Përkundrazi, kjo rregullore e re nuk duhet të zbatohet për anëtarët e deritashëm të parlamentit, madje edhe në rast të rizgjedhjes”, përcjell albinfo.ch. Në të njëjtën kohë, megjithatë, ky deputet i SVP-së ka publikuar këtë javë një postim në Facebook ku e vë në shënjestër deputeten Arslan, sepse ajo, sipas postimit, bën fushata për interesa të huaja.
Nëse kërkesa e Glarner do të zbatohej sot, një numër i konsiderueshëm politikanësh të tjerë, së bashku me Arslan, nuk do të uleshin më në parlament. Madje edhe vetë SVP ka të paktën tre shtetas të dyfishtë në Dhomën Nacionale të Parlamentit Federal: Alfred Heer, Yvette Estermann dhe Yves Nydegger, përcjell albinfo.ch.
Për më tepër, edhe ministri aktual i punëve te jashtme, Ignazio Cassis nga FDP kishte dy shtetësi: të Italisë dhe të Zvicrës gjatë kohës sa ishte deputet. Ai kishte dorëzuar pasaportën e tij italiane vetëm pasi qe zgjedhur në qeverinë e Zvicrës.
Të ngjashme
Të tjera nga Tematike
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim