Lajme
Edhe Dafine Mula garon në zgjedhjet e Bashkisë së Vjenës
Në garat për zgjedhjet e Këshillit të Qarkut të 15-të të Vjenës është duke sfiduar vetën edhe shqiptarja, Dafine Mula nga radhët e SPÖ-së.
Kanë mbetur më pak se një jave deri në zgjedhjet për Këshillin Bashkiak të Vjenës (Gemeinderat) dhe zgjedhjet për Këshillin e Qarkut të Vjenës (Bezirkvertretungswählen). Të dielën e ardhshme (11.10.2020), qytetarët vjenezë do të shfrytëzojnë të drejtën e tyre kushtetuese për të votuar. Në garat për zgjedhjet e Këshillit të Qarkut të 15-të të Vjenës është duke sfiduar veten edhe shqiptarja Dafine Mula nga radhët e SPÖ-së.
Me politikë, ajo merret që nga viti 2008. Nga viti 2017 – 2018 ishte referente në Ministrinë e Shëndetësisë, ndërsa më vonë edhe kryeshefe e zyrës së kryetares së Partisë Socialdemokrate të Austrisë (SPÖ), Pamela Rendi – Wagner.
Dafina thotë se partia SPÖ është parti e klasës punëtore dhe parti që ka strehuar dhe u ka dhënë hapësirë emigrantëve.
“Në familjen tonë që nga fëmijëria ishim të gjitha motrat aktive edhe politikisht. Natyrisht për ne si emigrantë të rritur këtu përveç SPÖ-së asnjë parti tjetër nuk vinte në konsideratë”, shprehet 34-vjeçarja Mula për Albinfo Austria.
Për Dafinën nuk është hera e parë që garon në zgjedhje. Në pesë vjetët e fundit ajo është nënkryetare e Komisionit të Ndërtimit dhe Zhvillimit të Qarkut të 15-të.
Mitrovicasja Mula është në 20 personat e parë të listës dhe ajo është e sigurt në fitoren e partisë, por edhe që do të jetë pjesë e Asamblesë së Qarkut (15) Rudolfsheim Fünfhaus.
“Jam më se e sigurt që ne si parti do të fitojmë. Meqë jam renditur në një pozitë të lartë, besoj shumë se do të kem mundësinë që të jam pjesë e Asamblesë së Qarkut për vitet e ardhshme”, theksoi ajo për Albinfo Austria.
Dafina shfrytëzoi rastin të falënderojë të gjithë ata që kanë shpreh besimin e tyre për ta votuar atë, por në të njëjtën kohë kërkoi nga bashkatdhetarët tanë, të cilët kanë të drejtë vote, të shfrytëzojnë të drejtën e tyre për të dalë në zgjedhje.
“Për të drejtën e votës është luftuar me vite të tëra, e sidomos ne si emigrantë patjetër duhet t’i shfrytëzojmë të gjitha të drejtat që na jepen në vendin ku jetojmë”, nënvizoi ajo.
Duhet theksuar se në zgjedhjet e Bashkisë së Vjenës përveç Dafinës, janë duke kandiduar edhe dy zonja shqiptare: Drita Cacaj nga ÖVP dhe Rolanda Limani nga SPÖ.
E-Diaspora
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim