Lajme
Ambasadori Pllana takon kryesinë e Rrjetit të Bizneseve Shqiptare në Austri
Ambasadori i Kosovës në Austri, Lulzim Pllana, ishte nikoqir i një takimi me kryesinë e Rrjetit të Bizneseve Shqiptare në Austri.
Ambasadori Lulëzim Pllana priti të premten në Ambasadën e Kosovës kryesinë e Rrjetit të Bizneseve Shqiptare në Austri, të udhëhequr nga kryetari Yll Blakaj dhe udhëheqësit e degëve të Rrjetit nga tërë Austria.
Gjatë këtij takimi janë diskutuar mënyrat e bashkëpunimit intensiv mes Ambasadës dhe Rrjetit për mundësitë e plasimit të produkteve kosovare në Austri si dhe investimeve të diasporës sonë në Kosovë.
Kryesia e Rrjetit e udhëhequr nga kryetari Yll Blakaj dhe udhëheqësit e degëve të Rrjetit nga e gjithë Austria e informuan ambasadorin Pllana për aktivitetet e deritashme të Rrjetit, projektet aktuale dhe planet, shkruan rrjeti.at.
“Janë dy projekte të reja, të cilat po përpiqemi ti realizojmë: krijimi i një hapësirë si showroom dhe stacion në Vjenë për prodhuesit e Kosovës. Që Austria të jetë një hap i Kosovës drejt shteteve tjera të Evropës. Dhe hapja e një qendre të bizneseve të diasporës shqiptare në Prishtinë”, tha Blakaj, përcjell Albinfo Austria.
Në anën tjetër, ambasadori Pllana falendëroi kryesinë e Rrjetit për angazhimin që nëpërmjet veprimtarisë së tyre promovojnë edhe vlerat e shtetit të Kosovës në Austri.
Ai paraqiti para afaristëve plane të shumta në fushën e ekonomisë dhe shprehu gatishmërinë për të përkrahur bizneset shqiptare.
“Në dyqanet austriake gjenden hapësirat e caktuara ku shiten shumë produkte nga Ballkani dhe për fat të keq nuk ka produkte të Kosovës. Kjo duhet të ndryshoj. Dhe, unë kam realizuar takime në Kosovë te disa prodhues dhe në Austri, për të parë se çka mund të bëjmë në këtë drejtim”, ka thënë Pllana.
Ambasadori premtoi se do të kanë përkrahjen e tij dhe të Ambasadës së Kosovës në Austri për çfarëdo kërkesë të tyre.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Sondazhi: Aeroplani, mënyra më popullore për të shkuar me pushime për zviceranët Pavarësisht krizës klimatike, fluturimi është mënyra më e popullarizuar e transportit për të shkuar në pushime...
-
Zyra e Raportimit të Pastrimit të Parave në Zvicër regjistron një numër rekord raportimesh
-
Linja ajrore SWISS rifillon fluturimet e saj drejt Iranit
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër